By: Jimiebe Babor (Original)
Maura ug babaye
Naay ulo, hawak ug dapi-dapi.
Unom ang iyahang kwerdas;
Kani mao ang iyahang katahum,
Kaisog, kamarô, kalibog, gugma og kalooy.
Tapuya ang iyang katahum,
Di ‘ba lingaw paminawon.
Sulayi iyang kaisog,
Di ‘ba hait ug kusog gayud,
Labi na kung dungagan
Sa iyang kalibog.
Masayon kaskason
Anang dapita sa
Gugma ug kalooy.
Pero ayaw kasipyat
Manoy arang iyang kamarô.
Sama sa babae
Ang gitara kung gitikon, mokatawa.
Pero sama sad sa gitara
Kung sipyat ka sa kaskas
Arang pagka samuka.
No comments:
Post a Comment